Page 2 of 2

Re: Hemm yw Papynjay Marow.....

Posted: Tue Mar 08, 2011 10:46 pm
by dolly pentreath
carrek wrote:
Karesk wrote:"Rag an re na usi ow kewsel Kernewek yw an glapva ma"
Ma/Yma 48 fordh a scrifa/skrifa an lavar na e'n/y'n FSS. A nag/nyns ew/yw hedna/henna re veur?

Rag an re na uji ow cowsel Kernewek ew an glapva ma
Rag an re na uji ow cowsel Kernewek yw an glapva ma
Rag an re na uji ow cowsel Kernowek ew an glapva ma
Rag an re na uji ow cowsel Kernowek yw an glapva ma
Rag an re na uji ow kewsel Kernewek ew an glapva ma
Rag an re na uji ow kewsel Kernewek yw an glapva ma
Rag an re na uji ow kewsel Kernowek ew an glapva ma
Rag an re na uji ow kewsel Kernowek yw an glapva ma
Rag an re na uji ow kowsel Kernewek ew an glapva ma
Rag an re na uji ow kowsel Kernewek yw an glapva ma
Rag an re na uji ow kowsel Kernowek ew an glapva ma
Rag an re na uji ow kowsel Kernowek yw an glapva ma
Rag an re na ujy ow cowsel Kernewek ew an glapva ma
Rag an re na ujy ow cowsel Kernewek yw an glapva ma
Rag an re na ujy ow cowsel Kernowek ew an glapva ma
Rag an re na ujy ow cowsel Kernowek yw an glapva ma
Rag an re na ujy ow kewsel Kernewek ew an glapva ma
Rag an re na ujy ow kewsel Kernewek yw an glapva ma
Rag an re na ujy ow kewsel Kernowek ew an glapva ma
Rag an re na ujy ow kewsel Kernowek yw an glapva ma
Rag an re na ujy ow kowsel Kernewek ew an glapva ma
Rag an re na ujy ow kowsel Kernewek yw an glapva ma
Rag an re na ujy ow kowsel Kernowek ew an glapva ma
Rag an re na ujy ow kowsel Kernowek yw an glapva ma
Rag an re na usi ow cowsel Kernewek ew an glapva ma
Rag an re na usi ow cowsel Kernewek yw an glapva ma
Rag an re na usi ow cowsel Kernowek ew an glapva ma
Rag an re na usi ow cowsel Kernowek yw an glapva ma
Rag an re na usi ow kewsel Kernewek ew an glapva ma
Rag an re na usi ow kewsel Kernewek yw an glapva ma
Rag an re na usi ow kewsel Kernowek ew an glapva ma
Rag an re na usi ow kewsel Kernowek yw an glapva ma
Rag an re na usi ow kowsel Kernewek ew an glapva ma
Rag an re na usi ow kowsel Kernewek yw an glapva ma
Rag an re na usi ow kowsel Kernowek ew an glapva ma
Rag an re na usi ow kowsel Kernowek yw an glapva ma
Rag an re na usy ow cowsel Kernewek ew an glapva ma
Rag an re na usy ow cowsel Kernewek yw an glapva ma
Rag an re na usy ow cowsel Kernowek ew an glapva ma
Rag an re na usy ow cowsel Kernowek yw an glapva ma
Rag an re na usy ow kewsel Kernewek ew an glapva ma
Rag an re na usy ow kewsel Kernewek yw an glapva ma
Rag an re na usy ow kewsel Kernowek ew an glapva ma
Rag an re na usy ow kewsel Kernowek yw an glapva ma
Rag an re na usy ow kowsel Kernewek ew an glapva ma
Rag an re na usy ow kowsel Kernewek yw an glapva ma
Rag an re na usy ow kowsel Kernowek ew an glapva ma
Rag an re na usy ow kowsel Kernowek yw an glapva ma
Ya, mes an re na wodhons kewsel agan yeth na wodhons travith a-dro dhe hemma - na, tamm-vith! Nyns esa dhe'n bolitegoryon skians vith a-dro dhe'n yeth, ytho "An Argerdh" ha MAGA a veu herdhys warnan. I a grysi (hag a grys hwath, heb dout) bos an SWF - "The Single Written Form - something that everyone will be able to support" - unn fordh dhe skrifa'n yeth! Dhe gammdhervynya Asterix, "Ass yns i fol, an Sowsnegoryon!"

Kyns 'An Argerdh' ha kyns MAGA yth esa Kernewek Kemmyn, Kernewek Unnys (ha blas an seythun Ninja, devnydhys ganso y honan ha martesen unn den arall) Kernewek Diwedhes (ha lies blas an seythun gans lies den - pub gans saw unn skoedhyer, dell hevel!) ha Kernewek Tim Saunders.

Ytho, mar mynnyn ni gorra a denewan pub lytherennieth gans le es dew (tri? peswar?) skoedhyer, yth esa - kyns 'An Argerdh - tri lytherennans ha teyr fordh dhe skrifa an lavar "Rag an re...h.e."

Lemmyn, wosa skoellya kertas wosa kertas a arghans, ha spena lies blydhen ow kul - wel, pyth, poran? - yma unnek ha dew ugens fordh dhe skrifa an keth lavar. Ober mas, MAGA!

Yw henna gokkinedh? Po gokkinedh?

Re: Hemm yw Papynjay Marow.....

Posted: Tue Mar 08, 2011 11:12 pm
by carrek
An 20 bledhen eus passyes veu gockineth.

Gwir ew dr'eus 48 for' a scrifa an lavar na bus en gwiryoneth na vedh pub for' gwelys. En 2013 nei ell drei furvow an tavas moy ha moy ogas, en spyrys a gesoberyans ha kesassoylyans.

Gwell ew genam Kernowek gen an FSS a-dar gockineth ha bagasieth an 20 bledhen eus passyes. Gwell ew termyn a dheu a'n tavas gras dhe Vaga ha'n FSS.

Re: Hemm yw Papynjay Marow.....

Posted: Wed Mar 09, 2011 8:13 am
by Anselm
Re nijas bys dh'Ynys Avalloen.

Re: Hemm yw Papynjay Marow.....

Posted: Wed Mar 09, 2011 1:36 pm
by factotum
"Blas an seythun"? A nynz yw henna nebez re hwerow, a Doll hweg? Rez yw dhyn synsi materyow yn kespoes, abarth kezassoylynas. Gwren ni lever "blas an seson". Piw a vynn argye erbynn henna?

Re: Hemm yw Papynjay Marow.....

Posted: Wed Mar 09, 2011 2:03 pm
by dolly pentreath
carrek wrote:An 20 bledhen eus passyes veu gockineth.
Dres pympthek blydhen yth esa taklow ow tos ha bos gwell ha moy kosel. Gans an Argerdh taklow eth yn fuskog.
carrek wrote:En 2013 nei ell drei furvow an tavas moy ha moy ogas, en spyrys a gesoberyans ha kesassoylyans. Gwell ew genam Kernowek gen an FSS a-dar gockineth ha bagasieth an 20 bledhen eus passyes. Gwell ew termyn a dheu a'n tavas gras dhe Vaga ha'n FSS.
Trygh gwaytyans dres eksperyans!

Re: Hemm yw Papynjay Marow.....

Posted: Sat Mar 12, 2011 11:31 am
by pietercharles
dolly pentreath a skrifas:
Trygh gwaytyans dres eksperyans!
Poran.
carrek a skrifas:
En 2013 nei ell drei furvow an tavas moy ha moy ogas...
Y leveris henna yn 2008, ha mir orth an sywyans.

Istori a dhiskwa dhyn an pyth a wra hwarvos yn 2013. P'eur hwren ni aswonn an gwiryonedh apert...?

Re: Hemm yw Papynjay Marow.....

Posted: Sat Mar 12, 2011 1:04 pm
by carrek
pietercharles wrote:
dolly pentreath a skrifas:
Trygh gwaytyans dres eksperyans!
Poran.
carrek a skrifas:
En 2013 nei ell drei furvow an tavas moy ha moy ogas...
Y leveris henna yn 2008, ha mir orth an sywyans.

Istori a dhiskwa dhyn an pyth a wra hwarvos yn 2013. P'eur hwren ni aswonn an gwiryonedh apert...?
Na vedn furv udnik wharvos dres nos. Mir orth an dyffransow ynter an 4 furv coth, ha mir orth an dyffransow ujy a-jei an FSS. Henn o chanj broas. Wharvos arta a ell.

Na vedn furv udnik wharvos mar qwres che mos ena ow predery na vedn ev wharvos. Bedh ygor dhe gesassoylyans. Na wra degea dha vres.

Re: Hemm yw Papynjay Marow.....

Posted: Sat Mar 12, 2011 9:17 pm
by pietercharles
carrek a skrifas:
Na vedn furv udnik wharvos dres nos.
Eus nebonan na woer henna? Piw yw?
Hag ena ev a skrifas:
Mir orth an dyffransow ynter an 4 furv coth, ha mir orth an dyffransow ujy a-jei an FSS. Henn o chanj broas.
Gwir yw henna. Mes pyth yw dha boynt? Prag yth yw braster an chanj dhe-les?

Martesen ty re'n ankovas, mes an govynn, gwrys gans Anselm, o "Mes a eus lowr a furvyow genen?" Apert yw bos an gorthyp 'Nag eus'.

Yn kynsa, mir orth an niver a dus a wra devnydh, hedhyw, a'n peder furv goth, hag orth an niver a wra devnydh a'n FSS. Hag ena, preder a-dro dhe 2013. Wosa 2013 y fydh tus a wra chanjya dhe'n FSS Amendys ("Gwynn agan bys! Furv nowydh!"). Mes y fydh tus a wra pesya gans an FSS dell yw hedhyw ("Chanj arta! Ny yllyn perthi hemma namoy! Nyns eus kudynn mann gans an FSS dell yw lemmyn!").

Istori a dhysk dhyn bos henna an pyth a wra hwarvos.

Hag ena, y fydh pymp furv goth, ha furv nowydh - an FSSA. Nyns yw henna kudynn - ni a woer y hwyrvydh, ha ni a yll pesya 'salow y'n godhvos na'. Mes rakhenna es yw gorthybi govynn Anselm - "Nyns eus lowr a furvow genen. Mars esa, ny wrussen gwruthyl onan nowydh."

Martesen, orth dha gammdevynna nebes, "En 2018 nei ell drei furvow an tavas moy ha moy ogas..."
Hag ena carrek a gusulyas:
Na wra degea dha vres.
Kusul dha, carrek. Kusul dha.

Re: Hemm yw Papynjay Marow.....

Posted: Sat Mar 12, 2011 10:33 pm
by carrek
Lyckly ew y fedn nebes tus a vedn pesya dhe usya an FSS 1. Pecar'a an dus ujy ow pesya dhe usya an furvow coth. Bus an broassa radn a dus a vedn chanjya dhe'n FSS amendys. Maga a vedn chanjya ywedh, ha'n consel ha'n orsedh ha'n scolyow ha'n gernewegva etc etc. Na vedh an FSS amendys furv nowyth, bus chanjyow dhe furv bew. Nag eus meur a dhyllansow e'n FSS e'n termyn ma, na vedh an chanj cales.

Res ew dhe nei mires orth an termyn a dheu. Na dal dhe nei bos ancombrys der experyansow a'n termyn eus passyes. Agas gwethaforieth a ell bos convedhys woja gweles an 20 bledhen passyes bus nag eus experyans anodho dhebm. Ma govenek dhebm a'n termyn a dheu - gwra y elwel anfel, po delvrysek, gwra y elwel an peth a ven'ta. Me ew nowyth dhe'n dasserghyans ha herwydh ow experyans ve, y fedh FSS moy ogas dhe nei en 2013.

Mars eus fordh dhe dhrei dyffransow an FSS moy ogas, nei a dal y wul.
Gwir yw henna. Mes pyth yw dha boynt? Prag yth yw braster an chanj dhe-les?
Dhort dha lavarow, me a wrug supposya che dhe vos ow predery dre vedh an FSS amendys gwelys avel furv nowyth pecar'a an furvow kens 2008. Na vedh.

Re: Hemm yw Papynjay Marow.....

Posted: Sun Mar 13, 2011 12:17 am
by pietercharles
Bus an broassa radn a dus a vedn chanjya dhe'n FSS amendys.
Nowodhow splann! Ny vynnens chanjya kyns!
Maga a vedn chanjya ywedh, ha'n consel ha'n orsedh ha'n scolyow ha'n gernewegva etc etc.
Heb mar! Kepar dell wrussons kyns. Henn yw an poynt - i a janjyas dhe furv nowydh. Hag i a vynn gul henna arta. Unnver on.
Na vedh an FSS amendys furv nowyth
Nowodhow splann! Y leveris henna a-dro dhe GUA hag y levrir henna a-dro dhe GS ynwedh. Ha meurgerys ens po yns, dell wodhes.
bus chanjyow dhe furv bew
Gwynn agan bys! Dyffrans bras yw henna. Sawment ragon.
na vedh an chanj cales
An gwella nowodhow y'n norvys! Res yw dhyn leverel henna dhe'n dus re janjyas teyrgweyth seulabrys. Tus a verkya bos pub chanj kales - ow krysi bos henna awos aga bos tus kemmyn yn le anoragoryon.
Na dal dhe nei bos ancombrys der experyansow a'n termyn eus passyes.
Gwir. Euver yw pup-prys gul vri a istori.
Ma govenek dhebm a'n termyn a dheu
Dhymm ynwedh. Dhyn ni oll.
gwra y elwel anfel, po delvrysek, gwra y elwel an peth a ven'ta
Eus edhomm? Yn gwiryonedh ny vynnav y elwel travyth.
Me ew nowyth dhe'n dasserghyans
Apert yw. Mes nyns eus edhomm a wul anles a henna.
...dre vedh an FSS amendys gwelys avel furv nowyth pecar'a an furvow kens 2008. Na vedh.
My a wel an prov a brofydh ha kler yw henna lemmyn! Ha pubonan unnver genes seulabrys! Marthys! Gwynn agan bys.

Re: Hemm yw Papynjay Marow.....

Posted: Sun Mar 13, 2011 12:38 am
by carrek
Prag an cows asper?

Re: Hemm yw Papynjay Marow.....

Posted: Sun Mar 13, 2011 12:52 am
by pietercharles
Nyns yw asper, a garrek ker!

Nebes 'taves yn bogh', martesen.

Re: Hemm yw Papynjay Marow.....

Posted: Fri Apr 01, 2011 9:57 pm
by Anselm
Papynjay marow, martesen ... mes mann papynjay-tredan!

Re: Hemm yw Papynjay Marow.....

Posted: Tue Nov 05, 2013 11:34 pm
by Anselm
Da yw nag esov vy ow synsi ow anall!