Gerew' nei cowsel

Rag an re na ujy ow cowsel Kernowek a nivel cres ew an glapva ma / Rag an re na usi ow kewsel Kernewek a nivel cres yw an glapva ma
(This forum is for those who speak medium Cornish)
User avatar
factotum
Posts: 1320
Joined: Wed Aug 26, 2009 6:15 pm

Re: Gerew' nei cowsel

Post by factotum » Wed Dec 01, 2010 2:15 pm

Gwir po gow kyn fe, ny allav vy gwelez poynt vyth oll rag RLC. Heb mar, yma taklow dhe les dhe voz kevyz y'n tekstow diwedhez, mez pur galez yns dhe redya, hag yn fenowgh yma moy ez tamm a dhout a-dro dh'aga styr porran. Ha nynz yw an keth mar apert yn kever RLC yn oll hy furvow? Ny skonyas Mordonn an giz 'diwedhez' a-barth sians, mez awoz y voz fur lowr dhe welez ma na allsa hy gul an ober. Mar gemmyskyz ha mar niwleg dell o abarth lytherennans ha gramazeg ha styr aga thri. Ha nynz yw henna porran mar wir yn kever RLC Gendall hag erell? Woza ogas deg blydhen warn ugens worth hy gormola ha'y herdhya, nynz eus moy ez bagaz fest byghan worth hy usya. Bagaz byghan 'mes a'n nebez a woer Kerneweg oll warbarth. Ha diskwa dhymm, mar plegewgh, travyth a boes re beu skrifyz y'n giz-na, dres oll an blydhynyow hir na.

Ytho, pyth yw an poynt a bezya herdhya RLC a-dherag an duz, ha hy prevyz mar bell dhe voz kloppeg? Ny allav vy gwelez marnaz unn reson, rag folsa ha gwannhe an Dasserghyans. Aga hwans rag RLC yw kehaval agez aga esow a doll y'n penn.

User avatar
factotum
Posts: 1320
Joined: Wed Aug 26, 2009 6:15 pm

Re: Gerew' nei cowsel

Post by factotum » Wed Dec 01, 2010 2:20 pm

Yn le "Ha nynz" a-ugh, gwra redya mar pleg "A nynz" (diwweyth)

Morvil
Posts: 256
Joined: Tue Jun 23, 2009 6:30 am

Re: Gerew' nei cowsel

Post by Morvil » Tue Jan 11, 2011 12:15 pm

CJenkin a scrifas:
"Nyns eus dyfrans bras ynter kernewek diwedhes ha kernewek arnowydh y'n skrif ma:

De ve journa teag, ha me a moaz en strate me mettias gen cuthman them.
Dhe vy jorna teg, ha my ow mos yn stret my a vettyas gans kothman dhymm.
Gwell via treusscrifa:
"De y feu jorna teg ha my ow mos y'n stret, my a vettyas gans cothman dhymm."
" vedo why moaz then dreth them' methav.
"a vydhew' hwi mos dhe'n dreth dhymm", yn medhav.
A vynnowgh whi mos dhe'n dreth dhymm," yn medhav.
"sur" meth ma huthman,
"Sur" yn medh ow hothman,

ketho yein an dowr, nye a neidgas e'n moar.
kynth o yeyn an dowr, ni a nijas y'n mor.

Warlar an neidga, me a ve gwage
warler' an nija, my a veu gwag.

' Vedo why dybry' methav, yea, daa ew genam an pesk ha scubmow'
'a vydhew' hwi dybri' yn medhav. 'ya, da yw genev an pysk ha skummow'
"A vynnowgh whi dybry?" yn medhav. "Ea, da yw gena'ma an pysk ha scommow."
' Nye a thabras pesk ha scumow ha eva dewas daa.
'Ni a dhybris pysk ha skummow hag eva dewes da.

Tamm gramer ha lytherans, nyns yw kudynn bras mes yma tamm moy kedhlow y'n nessa."
Whedhel bian ha da ew hedna rag dalethoryon.

Morvil
Posts: 256
Joined: Tue Jun 23, 2009 6:30 am

Re: Gerew' nei cowsel

Post by Morvil » Tue Jan 11, 2011 12:46 pm

Factotum a scrifas:
Gwir po gow kyn fe, ny allav vy gwelez poynt vyth oll rag RLC. Heb mar, yma taklow dhe les dhe voz kevyz y'n tekstow diwedhez, mez pur galez yns dhe redya, hag yn fenowgh yma moy ez tamm a dhout a-dro dh'aga styr porran. Ha nynz yw an keth mar apert yn kever RLC yn oll hy furvow? Ny skonyas Mordonn an giz 'diwedhez' a-barth sians, mez awoz y voz fur lowr dhe welez ma na allsa hy gul an ober.


Nag ew hedna gwir. Th ero'vy 'ajon tus ujy 'usya Kernowek Dasserhys Diwedhes (KDD) pub jorna, ha gwul endella heb bern. Trist ew na vedno'whei gweles diversita et agan taves nei. E'm breus vy, ma spas rag oll an formys a Gernowek e'n Dasserghyans. Th ero'ma 'redya Kernowek Cres Dasserhys (KDC) heb caletter veth, bus whath, th ero'vy ort y leverel pecar'a Kernowek Diwedhes. Agabmow ew an leveryans, hag a'n yeth cowsys ew an gramer, bus whath th ew Kernowek, heb mar.
Mar gemmyskyz ha mar niwleg dell o abarth lytherennans ha gramazeg ha styr aga thri. Ha nynz yw henna porran mar wir yn kever RLC Gendall hag erell? Woza ogas deg blydhen warn ugens worth hy gormola ha'y herdhya, nynz eus moy ez bagaz fest byghan worth hy usya. Bagaz byghan 'mes a'n nebez a woer Kerneweg oll warbarth. Ha diskwa dhymm, mar plegewgh, travyth a boes re beu skrifyz y'n giz-na, dres oll an blydhynyow hir na.
Na amont dhe dra veth pe lies den ujy 'clappya Kernowek Diwedhes Dasserhys. 'Dre vo tus neb a vedn usya KDD, frag na dalvia dhedhans y usya?
Ytho, pyth yw an poynt a bezya herdhya RLC a-dherag an duz, ha hy prevyz mar bell dhe voz kloppeg? Ny allav vy gwelez marnaz unn reson, rag folsa ha gwannhe an Dasserghyans. Aga hwans rag RLC yw kehaval agez aga esow a doll y'n penn.
En pe fordh, del venje'whei leverel, ujy KDD 'qwadnhe an Dasserghyans? Lebmyn dr'ewa devedhys et ow bres, ma KDD 'addya dhe dhiversita ha clowans natural an taves. Gen letherednans nowyth th ew esy dhe dhesky ha nes lowr dhe KDC (Kernowek Cres Dasserhys).

Post Reply

Who is online

Users browsing this forum: No registered users and 2 guests