Kala' Me lowen dhewgh hwi onan hag oll

Rag an re na ujy ow cowsel Kernowek a nivel cres ew an glapva ma / Rag an re na usi ow kewsel Kernewek a nivel cres yw an glapva ma
(This forum is for those who speak medium Cornish)
Post Reply
Karesk
Posts: 590
Joined: Sat Jun 06, 2009 6:46 pm

Kala' Me lowen dhewgh hwi onan hag oll

Post by Karesk » Sun May 01, 2011 7:38 pm

Re beuv ow kwandra oll an nos
Ha rann vrassa a'n myttin teg
Yth esov vy dhe-dre ow tos
Ha skorenn hogan my a dheg

Ple ma Sen Jori, ple ma an gwas?
Yn y dank y'n difeyth, ow kul kas.
Y nij an hok, y koedh an golomm.
An Gwav koth a verow yn tromm,

Sugen an gwydh a yskynn,
rag Hav yw devedhys hedhyw.
Ass yw lowen an ydhyn -
Myttin heudh Me a dhasvyw.

Ow han yw gwres, yth av dhe-ves
Na allav vy gortos namoy.
Pennglas stallys, blydhen soenys,
Ha Me dhewgh hwi oll leun a joy.

User avatar
factotum
Posts: 1320
Joined: Wed Aug 26, 2009 6:15 pm

Re: Kala' Me lowen dhewgh hwi onan hag oll

Post by factotum » Sun May 01, 2011 8:49 pm

Ha dhywgh hwi ynwedh, gwryz yn ta!

Karesk
Posts: 590
Joined: Sat Jun 06, 2009 6:46 pm

Re: Kala' Me lowen dhewgh hwi onan hag oll

Post by Karesk » Sun May 01, 2011 10:10 pm

An nos na yw nos da
Mar myn'ta pyskessa.

Mar myn'ta kavoes feus,
kevrin ragos a'm beus.
Whither ryb an vorlann.
Na whither hern vyth mann.
Gyllys dhe goll yw oll an kordh na.

Y kevydh neppyth a vern
Moy dhis ages bern a hern.
Dres a-dreus an mordardh
dhiso a dheu unn bardh,
yn sagh a ledher ow neuvella.

Bardh munys ev a vydh,
Baban byghan a brydydh,
mes dres pub bardh oll an gwella.

Tri dydh war mor yn sagh
Naw mis yn torr an wragh
Blydhen ha dydh ow pryjyon per,
Ow tyski pystri gwia-ger.
Ny yll denvyth marnas ty y gachya.

Post Reply

Who is online

Users browsing this forum: Yahoo [Bot] and 1 guest