Page 1 of 1

Kalann Est

Posted: Sun Jul 31, 2011 9:08 pm
by Kathlovenn
Kalann Est
(Goeldorth, Goel Sen Peder yn Chaynys, Lunasa)

Termyn trevas hag adhvesans
Dydh ambosow, dydh demmedhyans.

Porth kov hedhyw a’n henhwedlow,
Furneth yn fyw a’th hendasow.

Hus gans bleujyow blydhen skantlowr
a bys, gwrys gans Goedhyan dhe Gembra.

Kreftor a waynyas myrgh an Kowr
ow mortholya a-ugh Morva.

Dewis an froethenn a derrydh.
Y hyllydh y wul dell vynnydh.

Gwra treghi begel Mab an Ys.
Rydhha an prisner a’y jaynys.

Gwra dha vargen rag an vlydhen.
Gwra y bobas ‘berth yn bara.
Pan vydhowgh an moyha lowen,
ty ha’th pries, na kyns ena,
terrewgh agas torth. A-derdro
rynnewgh, kevewgh aneth ynno.