Ky Teylu Baskerville dyllys gans Evertype

A new forum dedicated to Kernewek - the Cornish language, Cornish culture and the history of the Duchy of Cornwall
User avatar
Evertype
Posts: 3167
Joined: Wed Mar 21, 2007 1:29 am
Contact:

Ky Teylu Baskerville dyllys gans Evertype

Post by Evertype » Sun Nov 04, 2012 1:50 pm

Ky Teylu Baskerville

Yma Evertype ow nôtya bos dyllys lyver gans Arthur Conan Doyle, Ky Teylu Baskerville, trailys gans Nicholas Williams.

Sherlock Holmes a omdhysqwedhas rag an kensa prës i'n lyver Studhyans in Lyw Cogh dyllys i'n vledhen 1887. An whedhlow adro dhe Sherlock Holmes a sordyas kebmys lës in colon an bobel, may cresy Conan Doyle yn scon y dhe dedna attendyans dhyworth y scrifow erel. Conan Doyle a ladhas Sherlock Holmes i'n whedhel “An Problem Dewetha”, saw y redyoryon a reqwiryas may fe an helerghyas dasvewys arta. Whedhel yw Ky Teylu Baskerville ow tùchya dhe ky brâs dres ehen, a wrug ownekhe dh'y vernans Syr Charles Baskerville, den jentyl rych in Pow Densher. Lies huny ader dro i'n pow a grës nag yw an ky best a'n bës-ma, adar ky uthyk in mes a iffarn. Yma Sherlock Holmes ow spêdya dhe dhyscudha gnas gwir an ky, ha dhe surhe na vo Henry Baskerville, noy hag er Syr Charles, shyndys ganso. Yma lies crytycor ow consydra Ky Teylu Baskerville dhe vos an whedhel gwella a whedhlow Sherlock Holmes, ha hèm yw an kensa prës dell hevel may feu onen vëth a'n whedhlow-na dyllys in Kernowek.

Pris £11.95. Dhe gafos dhyworth Amazon.co.uk. Rag godhvos moy, gweler evertype.com/books/hound-kw.html

Image

User avatar
Evertype
Posts: 3167
Joined: Wed Mar 21, 2007 1:29 am
Contact:

Re: Ky Teylu Baskerville dyllys gans Evertype

Post by Evertype » Sun Nov 04, 2012 1:55 pm

The Hound of the Baskervilles

Evertype is pleased to announce the publication of Arthur Conan Doyle's The Hound of the Baskervilles, in English and with a separate translation into Cornish by Nicholas Williams.

Sherlock Holmes appeared for the first time in A Study in Scarlet in the year 1887. The stories about Sherlock Holmes became so popular that after a while Conan Doyle believed they were drawing attention away from his other writings. He killed off Sherlock Holmes in the story "The Final Problem", but his readers demanded that the detective should be resurrected. The Hound of the Baskervilles is a story of a monstrous dog that terrifies Sir Charles Baskerville, a Devonshire landowner, to death. Many of the local people believe that it is not an earthly animal, but rather a supernatural hell-hound. Sherlock Holmes is able to establish the real nature of the hound and to ensure that Henry Baskerville, Sir Charles's nephew and heir is not harmed by it. Many commentators consider that The Hound of the Baskervilles is the best of the Sherlock Holmes stories, and this is apparently the first time that any of the stories has appeared in Cornish.

Price £11.95. Available from Amazon.co.uk. To learn more, see evertype.com/books/hound-en.html

Image
Last edited by Evertype on Fri Apr 05, 2013 10:39 am, edited 1 time in total.

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Fri Nov 09, 2012 8:07 am

Owth omwovynn yth esen prag galsa tus an anvi mar gosel ...
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Sat Nov 10, 2012 9:26 am

A'n eyl tu ytho brav genen gweles kemmys a ober diwysik a-barth agan yeth. A'n tu arall dhana trist gweles aveyn mar gwar a gowsans kres an hwetegves kansvlydhen, mar gewar may fydh ow kul dhe gernewegoryon agan dydhyow no minhwerthin. Yn leun revrons dhe'n ober meur, res govynn a worro an olow hag a vynn an oberor. Govynn yn-town a res, a-ban dremenas ev blydhynyow (degasow, yn-hwir) ow tarena hag owth oberi a'y nerth oll erbyn pobel efan an gernewegoryon. My a vynn gul devnydh a elvennow gwiw yn ober, yn-sur sertan, mes tanow yw gwaytyans denya ken dus dhe holya an hyns na. A pe ev difunys lowr rag assaya nans yw ugens blydhen ytho gorro y olow dre dhyllo oberoennow gwiw, martesen y fia gwaytyans dhodho a worra hyns nowydh dhyn ni: ott dagrow traow. Mes y'n eur ma dhana pandra hwervydh? Pandra a dheu a y ober oll? Res dhymm avow: ny wonn mann.
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
factotum
Posts: 1320
Joined: Wed Aug 26, 2009 6:15 pm

Re: Ky Teylu Baskerville dyllys gans Evertype

Post by factotum » Thu Nov 15, 2012 5:36 am

Nebez koynt yw y yeth, ha henna a-dhiworthyv vy ;-) "Holergh" yn le "helergh" ha'n elvenn he- hag oll hy istori azwonnyz fest yn ta. Gwir, an ger-ma yw skrifyz unnweth gans 'o' (mc 244.1) mez yn fenowgh yma 'o' skrifyz rag 'e' yn mammskrif-ma. Rez porrez mirez worth an delinyans brassa yn tien, ny dal mann synsi war pub lytherenn an tekstow avel neppyth diberthyz, awoz yma 'tros' y'n negys. "Refrainya"! Hag otta va owth 'Tregerya' arte gans "ow tetermya", kepar dell ywe yn-dann delannwez neb klevez an ympynnyon sadd. Ha lemmyn my a wel "ow qwil" hag arte ... 'Barth an Jowl! Ny vynnav vy pezye na moy!

User avatar
capten
Posts: 93
Joined: Wed Nov 16, 2011 1:55 pm
Location: Orth ros ow gorhel

Re: Ky Teylu Baskerville dyllys gans Evertype

Post by capten » Fri Nov 16, 2012 5:49 pm

Mars yw nebes coynt y yeth ev, kkkkoynt drezzzzz eggghhhennnnn yw dha yeth jy.

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Fri Nov 16, 2012 9:11 pm

'Tregerya' yw da genev, hag yma edreg dhymm na brederis vy ow honan a'n ger. Yth esa koloven gans JT war Eythen nans yw lies blydhen (a-derr pan veu skrifys gans Thomas Stephens, Clerk, rag bones JT y honan klav. Hag ott yn-hwir kolonn an kudynn usi war Nynja ha remenant y vagas neb a yll lenwel tollgar dhe jorna da: devnydh hwerthin yth yw kowsans Sowsnekhes a'n par na dhe Gernewegoryon hedhyw. Martesen, y fia moy a spas dhodho gorra olow warnan nans yw ugens blydhen po moy a tylla yn y gowsans arbennik yn le tarena erbynn pub huni na vynn koedha war-leur ha gordhya, mes ny wrav moy es tybi par happ yn kever henna. Pur drist, veri sad.
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
capten
Posts: 93
Joined: Wed Nov 16, 2011 1:55 pm
Location: Orth ros ow gorhel

Re: Ky Teylu Baskerville dyllys gans Evertype

Post by capten » Fri Nov 16, 2012 10:08 pm

Yma dha wherowder y'th kerhyn kepar ha niwl tew...

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Sat Nov 17, 2012 8:39 am

Y hwonn pandra usi war dha dowl yn kever an geryador. A'w farth yvi, yn-sur y tal gul devnydh gwiw a'n geryow oll re beu bythkweth yn mysk teythi agan yeth - 'refraynya' y'ga mysk. Lemen ny wonn mann - ha ny styryas Nynja hwath - prag y koedh dhyn skonya an geryow kemmyn pputethek yw rann deythiek a Gernewek Arnowydh. Nyns yw henna marnas herdhya boghosogneth pur dhiedhomm warnedhi. Skoellva nell, amser, hag arghans yn-hwir!

Yn gwiryonedh, mars eus whans dhe Nynja a spenna nell, amser, hag arghans worth agan yeth, y fia milwell dhodho skrifa ha dyllo ober gwreydhyek. Yma ganso galloesow a skwir dha, hag yma kov dhymm a hwedhlow hag erthyglow da hag a skrifas ev nans yw pell. Kynth eus neb skwithder war y vardhonyeth erbynn an eur ma - prys dhodho troesya hyns nowydh, dell grysav - y fia chons gwell dhodho denya redyoryon - ha skoedhyer po dow, martesen - ow tarbari oberennow yeth-plen.
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
capten
Posts: 93
Joined: Wed Nov 16, 2011 1:55 pm
Location: Orth ros ow gorhel

Re: Ky Teylu Baskerville dyllys gans Evertype

Post by capten » Sat Nov 17, 2012 11:35 am

Anselm wrote:Y hwonn pandra usi war dha dowl yn kever an geryador. A'w farth yvi, yn-sur y tal gul devnydh gwiw a'n geryow oll re beu bythkweth yn mysk teythi agan yeth - 'refraynya' y'ga mysk. Lemen ny wonn mann - ha ny styryas Nynja hwath - prag y koedh dhyn skonya an geryow kemmyn pputethek yw rann deythiek a Gernewek Arnowydh. Nyns yw henna marnas herdhya boghosogneth pur dhiedhomm warnedhi. Skoellva nell, amser, hag arghans yn-hwir!
An udn dra usy dhyn yn kebmyn yw an textow. Ytho mars yw neppyth a wren prevys dhe vos cabm, prag na chanjya agan usyow dh'aga machya hedre yllyn whath? Onan a fordhow pur scant yw ragon ni oll dhe vos ow cana dhyworth an keth folen hymna.

Yma dhe'n tavas lojyk cudhys na wren whath marnas hanter convedhes, ha mar qwren ni sevel orth y aswon ha ni ow tasserhy an yeth, peryl a'gan beus a derry an kevrednow bohes eus dhyn dhe'n lojyk na ha frodna an godhvos a dus dhe vos freth.
Anselm wrote:Yn gwiryonedh, mars eus whans dhe Nynja a spenna nell, amser, hag arghans worth agan yeth, y fia milwell dhodho skrifa ha dyllo ober gwreydhyek. Yma ganso galloesow a skwir dha, hag yma kov dhymm a hwedhlow hag erthyglow da hag a skrifas ev nans yw pell. Kynth eus neb skwithder war y vardhonyeth erbynn an eur ma - prys dhodho troesya hyns nowydh, dell grysav - y fia chons gwell dhodho denya redyoryon - ha skoedhyer po dow, martesen - ow tarbari oberennow yeth-plen.
Ny vern an pyth a wra ev dyllo. Agan yeth yw agan yeth, ha mars usy y lyvrow ow qweres dhe wellhe an Kernowek a studhyoryon, pandr'yw an cudyn?

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Sat Nov 17, 2012 5:33 pm

Herwydh unn styr, mes dhe radhow yma oberow ha gweythresow Nynja ow tri dhe'w hov tenkys pur drist an Lyennek Gwydhalek Seosamh O Grianna, neb a dremens lies blydhen ow treylya oberennow Joseph Conrad ha darnow hwath a lettrow Sowsnek dh'y yeth ev. Brav yw'n treylyansow, mes yth esa gans Seosamh kans ha mil a draow dhe'ga leverel a u golonn y honan. Ott o an unn gis may hylli ev dendil y vywnans dre Wydhalek dhe'n termyn na. Y leveris unn den fur bones istori prest ow hwarvos diwweyth, unnweyth rag olea, ha'nn nessa tro rag hwerthin. Gwir an ger na yn kever Seosamh ha Nynja, yn-sur: nyns esa dewis gans Seosamh ytho, mes yth omworras ev dhe skrifa Gwydhalek herwydh teythi keherek an yeth, yn-unn formya kowsans o byw dh'y dermyn hag a wra bywa hedra vo Gwydhalek. Yma dewis dhana gans Nynja, mes yn le gwul devnydh frank a'n dewis na y fynn ev gorra warnodho y honan begh treylya oberennow y hallsa tus aga redya na fors fatell vo, ha henna yn semlant kowsans kres an hwetegves gansvlydhen. Ny goedh hwerthin, ha ni ow prederi yn kever an ober ha'n amser han'n arghans res eth bys y'n ober ma, mes anes ha kales ha galar yw omwitha rag hwerthin ow redya an kowsans na.

Yn gwiryonedh, re beu devnydhys Nynja dh'achesonow na woer aga honvedhes. Keun an stret a woer na vynn Konsell Kernow worth agan yeth gwaynya troesla y'n order dyskans, ha bones war dowl an 'Argerdh' h.e. gwitha arghans rag mones dhe dharlesa hag eksaltya an yeth dell yw. Y hwoer keun an stret ynwedh na via lev bras gans Nynja yn tenkys agan yeth na ve skoedhyans Pennskol Karesk, fondyans na veu bythkweth a'y farth. Rag henna, ny dybyav na vynna Nynja nevra gul an ober gwiw a-barth Kernewek y hallsa ev y wul. Res eth y vardhonyeth dhe skwith, yn-unn seni war an keth linynn a hys ann termyn, kyn y hallsa ev ri oberennow meur dhyn a pe hwans dhodho. Hag a y yeth-plen wreydhyek yth ehevl na welyd ni namoy, soweth!
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
factotum
Posts: 1320
Joined: Wed Aug 26, 2009 6:15 pm

Re: Ky Teylu Baskerville dyllys gans Evertype

Post by factotum » Mon Nov 19, 2012 1:11 am

Da po drog, my a wel re beu meur a Gerneweg ow lenwel hag ow live omma war lergh ow negys :-)

Govynn (OT??) rag TIm : A pe Kembreg 'Yeth an Nev' py par yeth yw kewsyz yn 'le arall' h.y. an le poeth a-woelez? (My a vynn 'hejiya ow bettyz' ty a wel ...

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Mon Nov 19, 2012 7:56 am

Esos ow prederi yn kever kan Max Boyce?
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
Anselm
Posts: 1566
Joined: Sat Aug 15, 2009 10:04 pm

Re: Ky Teylu Baskerville dyllys gans Evertype

Post by Anselm » Tue Nov 20, 2012 11:22 pm

Eus kove dhis a'n gan mayth esa an Jowl ow karma Stoke that stove?
Anselm

'Against a promontory my ship' Rump L. Stiltz-Kinn

'With regret I feel that unless you have a serious change of heart your presence at the Mennaye on Cornish Pirates match days is no longer desired.'
Rod Coward
CEO
Cornish Pirates

User avatar
factotum
Posts: 1320
Joined: Wed Aug 26, 2009 6:15 pm

Re: Ky Teylu Baskerville dyllys gans Evertype

Post by factotum » Fri Dec 07, 2012 7:19 am

Nag eus, sur! Lavar dhymm moy yn hy hever mar pleg.

Post Reply

Who is online

Users browsing this forum: No registered users and 8 guests